ராஜகுமாரன் தனக்கு கிடைத்தது கடவுள் பரிசு என்று எந்த ஒரு சந்தர்ப்பத்திலும் தேவயானி சொல்லவில்லை. ஆனால் எல்லா இடங்களிலும் எல்லா சந்தர்ப்பங்களிலும் தேவயானிக்கு தான் கிடைத்தது கடவுள் பரிசு என்று சொல்லி பீத்திக்கொண்டு வருகிறார் இயக்குநர் ராஜகுமாரன்.
கனவர் என்பதால் தேவயானி அதை சகித்துக்கொண்டு வருகிறார். கடந்த 2001ம் ஆண்டில் திருமணம் நடந்தது முதல் இந்த கொடுமையை அனுபவித்து வருகிறார் தேவயானி. அதற்காக திரையுலகின் ஆகச்சிறந்த கலைஞர்களைப் பற்றி ராஜகுமாரன் உளறிக் கொண்டிருப்பதை திரையுலகினரும் ரசிகர்களும் சகித்துக் கொண்டிருக்க முடியாது அல்லவா?
நீ வருவாய் என, விண்ணுக்கும் மண்ணுக்கும், காதலுடன், சிவராம், திருமதி தமிழ் என்ற ஐந்து படங்களை மட்டுமே இயக்கி இருக்கிறார். இதில் நீ வருவாய் என படம் மட்டுமே ஓரளவு ஓடியது.
2001ல் தேவயானியை திருமணம் செய்த பின்னர் இதுவரையிலும் வெளியுலகத்திற்கு வராமல் இருந்தார் ராஜகுமாரன். தற்போது வெளி உலகத்திற்கு வந்து பேட்டி கொடுத்து அதிர்வலைகளை ஏற்படுத்தி வருகிறார்.
100 படங்களை இயக்கிய இராம.நாராயணன் தான் சிறந்த இயக்குநர். சில படங்களை மட்டுமே இயக்கியன் மகேந்திரனை போய் எல்லோரும் ஏன் கொண்டாடுகிறார்கள்? என்று கேட்கிறார் ராஜகுமாரன். தமிழ்சினிமாவின் மைல்கல் ‘உதிரிப்பூக்கள்’ படம். இயக்குநராகும் கனவுடன் வரும் எல்லோரும் பார்த்து பிரமிக்கும் படம் உதிரிப்பூக்கள். அந்த படதில் கதையே இல்லை என்று சொல்கிறார் ராஜகுமாரன். மகேந்திரன் நடித்த படங்களை தான் பார்த்தது இல்லை என்றும், இப்போதுதான் உதிரிப்பூக்கள் பார்த்தேன். அதுவும் பிடிக்கவில்லை என்கிறார். முல்லும் மலரும், ஜானி, நண்டு, பூட்டாத பூட்டுக்கள் என்று மகேந்திரன் இயக்கிய எந்தப்படங்களையும் பார்க்காமல் அவரை இப்படி விமர்சிப்பது ஏன்? ராஜகுமாரனுக்கு என்ன ஆச்சு? என்று கேட்கின்றனர் பலரும்.
மகேந்திரனை மட்டுமல்ல பாரதிராஜா, வெற்றிமாறன் உள்ளிட்ட இயக்குநர்களையும் அவர்கள் இயக்கிய படங்களையும் கடுமையாக விமர்சித்து வருகிறார் ராஜகுமாரன். கிழக்கே போகும் ரயில் படத்தில் கதையே இல்லை என்கிறார்.
நடிகர்களையும் இவர் விட்டுவைக்கவில்லை. கமல்ஹாசன் பெரிய நடிகர் இல்லை என்கிறார். ரஜினி, விஜய் உள்ளிட்ட நடிகர்களையும் கடுமையாக விமர்சிக்கிறார்.
உதிரிப்பூக்கள் படம் உணர்வு ரீதியான படம். அது படம் என்பதை விட சினிமா பாடம் எனலாம். மகேந்திரன் சார் சிற்பி . அளவிடமுடியா ஆசான். மகேந்திரன் சாரின் கதாப்பாத்திரம் நின்னு பேசும். கேமரா கதை சொல்லும். இயற்கை மெருகேரும் என்று ரசிகர்கள் பதிலடி கொடுத்து வருகின்றனர்.
பலரும் இதற்கு கண்டனம் தெரிவித்து வரும் நிலையில், வறுபடும் சூடு தாங்காமல், தான் அந்த அர்த்தத்தில் சொல்லவில்லை என்று அந்தர்பல்டி அடிக்க முயல்கிறார் ராஜகுமாரன்.
About the Author
