பாமக கட்சி யாருக்கு? மாம்பழம் சின்னம் யாருக்கு? என்ற மோதலில் உச்சநீதிமன்றத்தில் அன்புமணி மீது ராமதாஸ் வழக்கு தொடர்ந்திருக்கிறார். இது குறித்து அவர் பேசியதாவது:
’’என் உயிரைத்தான் பறிக்கவில்லை, மற்ற எல்லாவறையும் பறித்துவிட்டான் அன்புமணி. சூழ்ச்சியினால் தன்னை தலைவன் என்று சொல்லிக் கொண்டிருக்கிறான் அன்புமணி. வன்னிய சமூக மக்களும் பிற மக்களும் பிற கட்சியினரும் அன்புமணியின் சூழ்ச்சியை புரிந்துகொண்டார்கள். நீ எந்த கோர்ட்டுக்கு போனாலும் இந்த ராமதாஸ்தான் ஜெயிப்பான். என்னை தோற்கடிக்க யாராலும் முடியாது.
எல்லாவற்றையும்தான் பறித்துக் கொண்டாயே. என்னிடம் என்ன இருக்கிறது? வியர்வை சிந்தி 46 ஆண்டுகாலம் 96 ஆயிரம் கிராமங்களுக்கு சென்று எம் மக்களை சந்தித்து பேசி வளர்த்த இந்த கட்சியை நீ முழுவதும் அபகரிக்க எண்ணுகிறாய். இந்த உரிமையை என்னால் விட்டுக்கொடுக்க முடியாது. அதனால்தான் மீண்டும் நான் இந்த கட்சியின் தலைவர் ஆனேன். எனக்கு உதவியாக என் மூத்த மகள் செயல் தலைவராக உள்ளார்.
என் கூட இருக்குறவங்களை எல்லாம் விலைக்கு வாங்கிவிட்டாய். திருவேற்காடு பொதுக்குழுவில் நீ தலைவராக தேர்ந்தெடுத்த தலைவர் பதவி முடிந்துவிட்டது. தேர்தல் ஆணையத்தையே ஏமாற்றிவிட்டாய். தேர்தல் ஆணையத்தையும் பணத்தை கொடுத்து சாதித்துவிட்டாய். பணம் பத்தும் செய்கிறது. ஆனாலும் நான் தான் ஜெயிப்பேன். நீ தோற்றுக்கொண்டே இருப்பாய்’’என்று கர்ஜணை செய்துள்ளார்.
About the Author
