குப்பையை பொன்னாக மாற்றிய ஆஸ்திரேலிய விஞ்ஞானிகளின்(Australia Scientists) அசத்தல் கண்டுபிடிப்பு
காலை எழுந்தவுடன் நம்மில் பலருக்கும் முதல் தேடல் என்ன? “ஒரு கப் காபி!….அதை குடித்ததும் தான் நாள் ஆரம்பமாகும்; சுறுசுறுப்பு, புத்துணர்ச்சி ல் கிடைக்கும். ஆனால் அந்தக் காபி குடித்துவிட்டுத் தூக்கி எறியும் தூள், அதாவது காபி கழிவு அதுவே இரும்பை விட வலிமையான கான்கிரீட்டாக மாறும் என யாராவது சொன்னால் நம்மால் நம்ப முடியுமா..?
ஆஸ்திரேலியாவின் புகழ்பெற்ற RMIT பல்கலைக்கழக விஞ்ஞானிகள் இதை நிஜமாக மாற்றியிருக்கிறார்கள். குப்பையில் போகும் காபி தூள் , கட்டிடங்களை வலுப்படுத்தும் தொழில் நுட்பமாக மாற்றியிருக்கும் இவர்களின் கண்டுபிடிப்பு, உலகம் முழுவதும் உள்ள கட்டுமானத் துறையை ஆச்சரியப்படுத்தியுள்ளது.
காபி தூள் வைத்து கான்கிரீட் எப்படி தயாரிக்கிறார்கள்?
தினமும் உலகம் முழுவதும் கோடிக்கணக்கான கப் காபி குடிக்கப்படுகிறது. அதனால் உருவாகும் காபி தூள் கழிவு (coffee waste) டன் கணக்கில் குப்பைத் தொட்டிகளில் சேர்கிறது. இந்த மிச்சப் பொருள் எதற்கும் பயன்படவில்லை. பெரும்பாலும் அது மண்ணில் புதைகிறது, சில சமயம் எரிக்கப்படுகிறது. இதையெல்லாம் கவனித்த RMIT விஞ்ஞானிகள், “இந்த காபி கழிவு ஏன் வீணாக போக வேண்டும்?” என்ற கேள்வியை எழுப்பினர். அதற்கு அவர்கள் கண்டுபிடித்தது Biochar எனப்படும் நுண்ணிய கரி.
Biochar உருவாகும் விஞ்ஞான ரகசியம்
காபி தூளை:
ஆக்சிஜன் இல்லாத சூழலில், சுமார் 350°C வெப்பநிலையில், சிறப்பு கருவிகளில் வறுக்கிறார்கள்.
இந்த செயல்முறையை pyrolysis என்று அழைக்கிறார்கள்.
இதன் முடிவில், கருப்பு நிறத்தில், மென்மையான, ஆனால் சுத்தமாக வேலை செய்யும் ஒரு நுண் கரி உருவாகிறது. இதுவே Biochar. ஆச்சரியம்தான்—இந்த Biochar-ஐ எடுத்துக் கொண்டு, சிமெண்ட்–மணல் கலவையில் கலந்து பார்த்தபோது, கான்கிரீட் மிக வலிமையாக மாறியிருப்பதை அவர்கள் கண்டுபிடித்தார்கள். இதனால் கான்கிரீட் வலிமை 30% அதிகரிக்கிறது!
கான்கிரீட் வலிமை எப்படி அதிகரிக்கிறது..?
சாதாரணமாக கான்கிரீட் கலவையில் மணல் மிக முக்கியமான பொருள். ஆனால் மணல் உலகம் முழுவதும் வேகமாக தட்டுப்பாட்டுக்குள் செல்கிறது. நதிகள் ஆழம் குறைகிறது, மணல் கொள்ளையால் சுற்றுச்சூழல் பாதிக்கிறது, அதே சமயம் கட்டிடங்களின் தேவை அதிகரிக்கிறது.
இதற்கான தீர்வு என்ன?
விஞ்ஞானிகள் கண்டுபிடித்தது இப்படி:
கான்கிரீடு செய்யும்போது பயன்படுத்தப்படும் மணலில் இருந்து 15% குறைத்து, அந்த இடத்தில் Biochar சேர்த்தால், கான்கிரீட் 28 நாட்களுக்குள் 30% அதிக வலிமை பெறுகிறது.
அப்படியானால், ஒரு கட்டிடத்தை சூப்பர் ஸ்ட்ராங் ஆக்க வேண்டுமென்றால், இனிமேல் சிமெண்ட்–மணல் மட்டும் போதாது; கொஞ்சம் காபி தூளும் இருக்கணும் போல. இந்த சோதனை பலமுறை செய்து பார்த்த பிறகும் முடிவுகள் ஒரே மாதிரிதான். அதனால் இது ஒரு சாதாரண விஞ்ஞான விளையாட்டு இல்லை; கட்டுமானத் துறையை நேரடியாக மாற்றக்கூடிய மிகப் பெரிய கண்டுபிடிப்பு.
காபி தூள் கான்கிரீட் : சுற்றுச்சூழலுக்கும் பெரும் நன்மை
காபி Biochar சேர்த்தால்:
- மணல் பயன்பாடு குறைகிறது
உலகம் முழுவதும் நதிமணல் பற்றாக்குறை மிகப்பெரிய பிரச்சினை. இந்த தொழில்நுட்பம் மூலம்:
மணல் தேவை குறைகிறது, இயற்கை வளங்கள் பாதுகாக்கப்படுகின்றன - கார்பன் உமிழ்வு 26% வரை குறைபாடு
சிமெண்ட் தயாரிக்கும் தொழில்துறை உலகின் மொத்த CO₂ உமிழ்வில் 8% பங்கை வகிக்கிறது.
- Biochar பயன்படுத்துவதால்: சிமெண்ட் தேவை குறைகிறது
- CO₂ வெளியீடு அதிக அளவில் குறைகிறது
- காபி கழிவு எரிக்கப்படாமல் பாதுகாக்கப்படுகிறது
- சரியாக சொன்னால்—ஒரே கண்டுபிடிப்பில் இரண்டு பெரிய சுற்றுச்சூழல் பிரச்சினைகளுக்கு தீர்வு!
- ஆஸ்திரேலியாவின் விக்டோரியா மாநிலத்தில் உள்ள சில நெடுஞ்சாலைகள், நடைபாதைகள், சிறிய பாலங்களில் இந்த Biochar கான்கிரீட் பயன்படுத்தப்பட்டுள்ளது.
- அதிலும், எந்தப் பிரச்சனையும் இல்லை. வேறுபாடாக தெரிந்த ஒரே விஷயம் அவற்றின் அதிவலிமை.
- இதனால் ஆஸ்திரேலிய கட்டுமானத் துறை முழுவதுமே இந்த தொழில்நுட்பத்தை ஆர்வத்துடன் எதிர்நோக்கி வருகிறது.
காபி குப்பையை பொன்னாக மாற்றிய அறிவியல்
சாதாரணமாக நாம் குடித்த காபியின் தூள் எந்தப் பயனும் இல்லை என்று நினைத்தே குப்பைத் தூக்கி எறிவோம்.
ஆனால் அதே தூள்:
மணலை மாற்ற, கான்கிரீட்டை வலிமைப்படுத்த, சுற்றுச்சூழலை பாதுகாக்க, கழிவு மாசு குறைக்க என அனைத்திற்கும் பயன்படும் ஒரு சிறிய பசுமை புரட்சி.
இதனால் எதிர்காலத்தில் என்ன மாற்றம் வரும்?
இந்த தொழில்நுட்பம் பரவலாகப் பயன்படுத்தப்படத் தொடங்கினால்:
கட்டுமானச் செலவு குறையும், சுற்றுச்சூழல் பாதிப்பு குறையும், மணல் பற்றாக்குறை தணியும், காபி கழிவு அனைத்தும் பயனுள்ள பொருளாக மாறும், பெருநகரங்களில் தினமும் டன் கணக்கில் உருவாகும் காபி கழிவை சேகரித்து, Biochar ஆக்கி, அதை கட்டடங்களில் பயன்படுத்தலாம்.
நாம் வசிக்கும் வீடு கூட “காபி கான்கிரீட்” கொண்டு கட்டப்பட்டிருக்கும்!
காபி தூளில் இருந்து Biochar உருவாக்கி, அதை கான்கிரீட்டில் கலந்து கட்டிடங்களை வலுப்படுத்தும் இந்த RMIT விஞ்ஞானிகளின் கண்டுபிடிப்பு உலகம் முழுவதும் கட்டுமானத் துறையை மாற்றக்கூடிய மிகப் பெரிய சாதனை. குப்பை என கருதப்பட்ட காபி கழிவை இப்போது உலகம் முழுவதும் சூப்பர் ஸ்ட்ராங் கட்டுமானப் பொருளாக பார்க்கப் போகிறார்கள்.
இது வெறும் தொழில்நுட்ப முன்னேற்றம் மட்டுமல்ல; இயற்கையை பாதுகாக்கும், வளத்தைச் சேமிக்கும், எதிர்காலத்திற்கு வழிகாட்டும் ஒரு உண்மையான பசுமைப் புரட்சி!
About the Author
