ஒரு காலத்தில் ரஜினியின் தீவிர ரசிகராக இருந்த விஜய் இன்றைக்கு எதிர் துருவமாக மாறிப்போய்விட்டார். இதனால் இரு தரப்பு ரசிகர்களும் வலைத்தளங்களில் கடிமையாக மோதிக்கொண்டு வருகின்றனர்.
இந்த சூழலில் ஜனநாயகன் படத்தின் ஆடியோ வெளியீட்டு விழாவுக்காக ரஜினியிடம் விஜய் பேசியதாக வரும் செய்திகளில் உண்மை இருக்கிறதா?
‘தளபதி திருவிழா’ என்ற பெயரில் ஜனநாயகன் படத்தின் ஆடியோ வெளியீட்டு விழா மலேசியாவில் நாளை மறுதினம் நடைபெற இருக்கிறது. ஜனநாயகன் படம் விஜய்க்கு கடைசிப்படம் என்பதால் இதுவரையிலான அவரது படங்களில் உள்ள சிறந்த பாடல்களை பிரபல பின்னணிப்பாடகர்கள் பாட உள்ளார்கள்.
தனது திரையுலக வாழ்க்கையில் நிறைவுப்பகுதி என்பதால் இந்த விழாவில் பங்கேற்க வருமாறு ரஜினி, கமல், அஜித்தை அழைத்ததாகவும் அதற்கு அவர்கள் மறுத்ததாகவும் செய்திகள் பரவுகிறது. இதில் அஜித் மட்டும் யோசித்து சொல்லுவதாக பதிலளித்ததாக தகவல் பரவுகிறது.
திமுகவை கடுமையாக விமர்சித்துவிட்டு அந்த கூட்டணியில் இருக்கும் கமலுக்கு அழைப்பு விடுப்பது தற்குறித்தனம் என்றும் எக்ஸ் தளத்தில் தகவல் பரவுகிறது.
இது உண்மை இல்லை என்பதற்கு, அஜித்தின் பதிலே காரணம் என்கிறார்கள். தன் பட விழாக்களுக்கே செல்லாத அஜித் எப்படி விஜய் பட விழாவுக்கு செல்வார்? இதில், யோசித்து சொல்லுவதாக எப்படி சொல்லி இருப்பார். முதலில் அவரின் குணம் தெரிந்து விஜய்யே கேட்டிருக்க மாட்டார் என்கிறார்கள்.
About the Author
