Pushpa 2 Movie Poster
இயக்குனர் சுகுமாரன் இயக்கத்தில் அல்லு அர்ஜுன், ராஷ்மிகா மந்தனா, பகத் பாஸில் என பல பிரபலங்கள் இணைந்து நடித்த ‘புஷ்பா (தி ரைஸ்)’ திரைப்படம் கடந்த 2021-ம் ஆண்டு வெளியாகி மாபெரும் வரவேற்பை பெற்றிருந்தது.
முதல் பாகத்தினை தொடர்ந்து தயாரிப்பாளர் நவீன் மற்றும் ரவி ஷங்கர் இணைந்து மைத்திரி மூவி மேக்கர்ஸ் தயாரிப்பு நிறுவனத்தின் மூலம் புஷ்பா படத்தின் இரண்டாம் பாகம் எடுக்கப்பட்டுள்ளது.
புஷ்பா படத்தின் இரண்டாம் பாகமான ‘புஷ்பா – தி ரூல்’ திரைப்படம் வருகிற ஆகஸ்ட் 15-ம் தேதி வெளியாக உள்ளது. இப்படத்திற்கு இசையமைப்பாளர் தேவி ஸ்ரீ பிரசாத் இசையமைத்துள்ளார்.
இந்த நிலையில், ‘புஷ்பா 2 – தி ரூல்’ பாடத்தைப் பற்றி நடிகர் அல்லு அர்ஜுன் பேசியபோது, நிச்சயமாக மூன்றாம் பாகத்தை எதிர்பார்க்கலாம் என்றும், மேலும் அடுத்தடுத்த பாகங்களுக்குக்கான அற்புதமான யோசனைகள் எங்களிடம் உள்ளதாவும் கூறி, எதிர்பார்ப்பை தூண்டியுள்ளார்.
பிப்ரவரி 15 முதல் 24-ம் தேதி வரை ஜெர்மனியில் நடைபெற உள்ள 74-வது பெர்லின் திரைப்பட விழாவில் நடிகர் அல்லு அர்ஜூன் கலந்துகொண்டு இந்திய சினிமாவை பிரதிநிதித்துவம் செய்ய உள்ளார்.
10 நாள்கள் நடைபெறும் பெர்லின் திரைப்பட விழாவில் புஷ்பா படத்தின் முதல் பாகம் திரையிடப்பட உள்ளது.
புஷ்பா திரைப்படம் குறித்து பிரபல அமெரிக்க சினிமா செய்திகள் தளமான Variety நிறுவனத்திடம் பேசிய நடிகர் அல்லு அர்ஜுன் பல்வேறு தகவல்களைப் பகிர்ந்துள்ளார்.
புஷ்பா படத்தின் முதல் பாகத்தை விட இரண்டாம் பாகம் மிகவும் விதியாசமான சாயலைக் கொடிருக்கும் என அல்லு அர்ஜுன் தெரிவித்துள்ளார்.
உள்ளூர் அளவில் எடுக்கப்பட்ட முதல் பாகத்தின் கதைக்களம், 2-வது பாகத்தில் தேசிய மற்றும் சர்வதேச அளவிலான கதைக்களமாக இருக்கும் என்றும் கூறியுள்ளார்.
புஷ்பா 2-ம் பாகத்திற்குப் பிறகு மேலும் பல சுவாரசியமான திட்டங்கள் உள்ளதாகவும் நடிகர் அல்லு அர்ஜூன் தெரிவித்துள்ளார்.
About the Author
