அரசு ஊழியர்கள் மற்றும் ஆசிரியர்கள் என்பவர்கள் ஒரு மாநிலத்தின் வளர்ச்சிக்கு அடித்தளமாக இருப்பவர்கள். அவர்கள் பணிக்காலத்தில் நேர்மையாகவும், பொறுப்புடனும் பணியாற்றி, ஓய்வு பெற்ற பின் நிம்மதியான வாழ்க்கை வாழ வேண்டும் என்பதே ஒரு நல்ல அரசின் கடமை. அந்த அடிப்படையில், தமிழ்நாடு அரசு அரசு ஊழியர்களின் நீண்ட நாள் கோரிக்கையை ஏற்று, முதலமைச்சர் மு.க. ஸ்டாலின் தலைமையில் “தமிழ்நாடு உறுதியளிக்கப்பட்ட ஓய்வூதியத் திட்டம் (Tamil Nadu Assured Pension Scheme – TAPS)” என்ற புதிய ஓய்வூதியத் திட்டத்தை அறிவித்துள்ளது.
இந்தத் திட்டம், கடந்த இருபது ஆண்டுகளாக அரசு ஊழியர்கள் எதிர்கொண்டு வந்த ஓய்வூதியத் தெளிவின்மையை அகற்றும் ஒரு முக்கியமான மாற்றமாக பார்க்கப்படுகிறது.
ஏன் புதிய ஓய்வூதியத் திட்டம் தேவைப்பட்டது?
2003-04 காலகட்டத்திற்கு முன், அரசு ஊழியர்கள் பழைய ஓய்வூதியத் திட்டம் (OPS) கீழ் பணியாற்றினார்கள். அந்தத் திட்டத்தில்:
- கடைசி மாத ஊதியத்தின் 50% ஓய்வூதியமாக உறுதி
- அரசு முழுமையாக ஓய்வூதியச் செலவை ஏற்றது
- ஓய்வூதியத் தொகை எவ்வளவு என்று முன்கூட்டியே தெரியும்
ஆனால், அதன் பிறகு பங்களிப்புடன் கூடிய ஓய்வூதியத் திட்டம் (CPS-Contributory Pension Scheme) அறிமுகப்படுத்தப்பட்டது.
இதில்:
- ஊழியரும் அரசும் பங்களிப்பு செலுத்த வேண்டும்
- ஓய்வூதியம் சந்தை முதலீட்டின் அடிப்படையில் நிர்ணயிக்கப்படுகிறது
- ஓய்வு பெறும் போது எவ்வளவு ஓய்வூதியம் கிடைக்கும் என்பது தெளிவில்லாமல் இருந்தது
இதனால், “ஓய்வு பெறும் நாளன்று எவ்வளவு ஓய்வூதியம் கிடைக்கும் என்று தெரியாத நிலை” கடந்த 20 ஆண்டுகளாக தொடர்ந்தது. இதை மாற்ற வேண்டும் என்று அரசு ஊழியர்கள் மற்றும் ஆசிரியர் சங்கங்கள் தொடர்ந்து கோரிக்கை வைத்தன.
புதிய தமிழ்நாடு உறுதியளிக்கப்பட்ட ஓய்வூதியத் திட்டம் (TAPS) – முக்கிய அம்சங்கள்
1. 50% உறுதியளிக்கப்பட்ட ஓய்வூதியம்
- அரசு ஊழியர்கள் தங்களது கடைசி மாத ஊதியத்தின் 50% ஓய்வூதியமாக உறுதியாக பெறுவார்கள்
- இதற்காக ஊழியர்களிடம் 10% ஊதியப் பங்களிப்பு பெறப்படும்
- மீதமுள்ள தேவையான நிதியை தமிழ்நாடு அரசே முழுமையாக ஏற்றுக் கொடுக்கும்
2. 10 வருட பணிக்காலம் இருந்தால் ஓய்வூதியம்
- குறைந்தபட்சமாக 10 ஆண்டுகள் பணியாற்றினாலே ஓய்வூதியத் தகுதி வழங்கப்படும்
- தகுதி காலம் நிறைவு செய்யாமல் ஓய்வு பெற்றவர்களுக்கும் குறைந்தபட்ச ஓய்வூதியம் வழங்கப்படும்
3. அகவிலைப்படி (DA) உயர்வு
- ஓய்வூதியர்களுக்கு ஆண்டுக்கு இருமுறை
- பணியில் இருக்கும் அரசு ஊழியர்களுக்கு வழங்கப்படுவது போலவே அகவிலைப்படி DA- Dearness Allowance உயர்வு வழங்கப்படும்
4. குடும்ப ஓய்வூதியம் – 60%
- ஓய்வூதியதாரர் இறந்தால்
- அவர் ஏற்கனவே பரிந்துரைத்த குடும்ப உறுப்பினர்களுக்கு
- அவர் பெற்று வந்த ஓய்வூதியத்தின் 60% குடும்ப ஓய்வூதியமாக வழங்கப்படும்
5. பணிக்கொடை (Gratuity)
- ஓய்வு பெறும் போதும்
- பணிக்காலத்தில் மரணம் அடைந்தாலும்
- பணிக்காலத்தைப் பொறுத்து
- அதிகபட்சம் ₹25 லட்சம் வரை பணிக்கொடை வழங்கப்படும்
6. CPS-இல் இருந்து ஓய்வு பெற்றவர்களுக்கு சிறப்பு கருணை ஓய்வூதியம்
- CPS கீழ் பணியில் சேர்ந்து
- TAPS அமலுக்கு வருவதற்கு முன்
- ஓய்வூதியம் இன்றி ஓய்வு பெற்றவர்களுக்கு
- சிறப்பு கருணை ஓய்வூதியம் வழங்கப்படும் என தெரிவிக்கப்பட்டுள்ளது.
முன்னைய CPS திட்டம் VS புதிய TAPS – ஒப்பீடு
முன்னைய CPS திட்டத்தை புதிய TAPS திட்டத்துடன் ஒப்பிடுகையில் இந்த மாற்றங்கள் அரசு ஊழியர்களுக்கு பெரும் பலன்களை தந்துள்ளது.
1. ஓய்வூதிய உறுதி
CPS:
- ஓய்வூதியம் சந்தை முதலீட்டைப் பொறுத்தது
- உறுதி இல்லை
TAPS:
- கடைசி ஊதியத்தின் 50%
- முழுமையான உறுதி
2. ஊழியரின் நிம்மதி
CPS:
- ஓய்வு பெறும் வரை எவ்வளவு ஓய்வூதியம் கிடைக்கும் என்பது தெரியாது
- மனஅழுத்தம்
TAPS:
- ஓய்வு பெறும் நாளில் எவ்வளவு ஓய்வூதியம் கிடைக்கும் என்பது முன்கூட்டியே தெரியும்
- நிம்மதியான வாழ்க்கை
3. குடும்ப பாதுகாப்பு
CPS:
- குடும்ப ஓய்வூதியம் முழுமையாக உறுதி இல்லை
TAPS:
- குடும்பத்தினருக்கு 60% ஓய்வூதியம்
- உறுதியான சமூக பாதுகாப்பு
4. அகவிலைப்படி (DA)
CPS:
- ஓய்வூதியத்தில் DA உயர்வு முழுமையாக தெளிவில்லை
TAPS:
- அரசு ஊழியர்களுக்கு இணையாக
- ஆண்டுக்கு இருமுறை DA உயர்வு
5. பணிக்கொடை
CPS:
- வரம்பு குறைவு
TAPS:
- அதிகபட்சம் ₹25 லட்சம்
- ஓய்வு அல்லது மரணம் இரண்டுக்கும் பொருந்தும்
தமிழ்நாடு உறுதியளிக்கப்பட்ட ஓய்வூதியத் திட்டம் (TAPS) என்பது, அரசு ஊழியர்கள் மற்றும் ஆசிரியர்களின் 20 ஆண்டு கால கனவையும், நீண்ட நாள் கோரிக்கையையும் நிறைவேற்றும் ஒரு வரலாற்றுச் சிறப்பு மிக்க திட்டம் ஆகும்.
கடுமையான நிதிச் சூழலிலும், ரூ. 23,000 கோடி ஒருமுறை செலவு, ஆண்டுதோறும் கூடுதல் நிதிச்சுமை. இவையனைத்தையும் தமிழ்நாடு அரசே ஏற்றுக் கொண்டு, அரசு ஊழியர்களின் எதிர்காலத்தை பாதுகாக்க முன்வந்துள்ளது.
இந்தத் திட்டம்:
- அரசு ஊழியர்களுக்கு நிச்சயமான ஓய்வூதியம்
- குடும்பங்களுக்கு பாதுகாப்பு
- சமூகத்திற்கு நம்பிக்கை
என்ற மூன்றையும் ஒருசேர வழங்குகிறது. அதனால், TAPS என்பது “அரசு ஊழியரின் உழைப்பிற்கு அரசு வழங்கும் நியாயமான பலன்கள் என்று சொல்லலாம்.
About the Author
